وجهه نظر اخرى اهدتنى اياها امواج البحر منذ يومين .. منطق اخر لتعمل بالسياسه وتهتم بها
- ستكون لديك قصص جميله وبطولات تحكيها لاولادك مثلا كوجودك فى الزنزانه مع الصحبه السياسيه لتغنوا : يا صحبجيه ايه ياللى >>> ودى بالذات بجد
-توفير فاتورة الكهرباء سيتوقف اولادك عن مشاهده ام بى سى ثرى والاكشن
ويكتفون بقصص المطاردات الشقيه مع امن الدوله مع تغيير المواقع فالظابط هو الحرامى والسياسى هو البطل
-سلامه قوى اطفالك العقليه حيث يتوقفون عشان تقليد سبايدر مان
-ستتغير قدوتهم من سوبر مان لبابا الخطير
-زياده الرابطه الاسريه لانكو هتقعدوا مع بعض كتير
-لما تترفع للمعتقل ستجد احد يتذكرك ويشتاق اليك ويبحث عنك لتكمل قصصك المثيره له
-لما تموت هتلاقى حد يفتكرك بحاجه غير انك " معفن " هتبقى " هيرو "
-ستكون لديك ذكريات ممتعه تتذكرها فى اخر ايامك لما الناس كلها تنساك
وبهذا تكون السياسه وفرت لك فلوسك , سلامه اطفالك العقليه , زياده الرابطه الأسريه , قيمه لحياتك
واخيرا خروجك من هذه التدوينه وانت متأكد انك ندمان عشان عرفتنى ومتأكد انى مجنونه
هذه التدوينه بتاريخ 10 يوليو 2010
