مجرم عشان غنيت بلادى
وعشان ناديت مدوا الايادى
كان لازم أبقى خيال مآته
ولا ليا صوت ولا حتى أنادى
------------
مجرم عشان اخترت أفوق كل ناسى
حبيت اصحى قلوب خراب فوق الكراسى
وناديت بعلو صوت قالو انه مش مسموع
لكن ولا عمرى اسكت ده الصبر فى اساسى
------------
مجرم عشان ابريلى
فوقت كل جيلى
على حب مصر فاقوا
ما انا حبها دليلى
------------
مجرم عشان ابريلى
نورت بمصر ليلى
وسقيت احلام صبايا
بدموع حكهالى نيلى
----------
مجرم عشان اخوان
ورفضت اعيش متهان
ودى مش قوه منى
انا حقى اعيش انسان
--------------
مجرم عشان اخوان
ورفضت أكون جبان
مسبتش ارضى تغرق
ولا بعت مع اللى خان
-----------
مجرم عشان قولت كفايه
والظلم لازم له نهايه
وده القدر الكونى المحتوم
ولا بلادى نسايه
--------------
لو كان فى عينكم ده اجرام
فانا مجرم من غير كلام
وهظل مجرم للابد
من غير ياس ولا استسلام
هناك تعليقان (2):
حلوه اوى يا سلسبيل
يا بخت 6 ابريل بشاعره زيك
ربنا يخليك
ايوة قولهم بقى
إرسال تعليق