
الحقيقه يا افاضل
اللى باقى واللى فاضل
جوه مصر من الافاضل
هيعيشكوا شحاتين
----------
الحقيقه يا رعاع
يا للى جيبتوا لنا صداع
وكل كلامكم مطاع
انتوا شوية نصابين
-----------
الحقيقه يا مناضل
ياللى هاتف ياللى قايل
غاندى و سعد وجيفارا
اخر الليل مش مسطولين
---------------
الحقيقه يا أستاذه
ياللى سارقين التلامذه
ان العلم بيبقى " نورن"
من غير عقولنا اللى حافظه
مش فى ساقيه مغمضين
-----------------
الحقيقه والصراحه
ياللي عايزين صوتكوا عالي
بالنفاق والوقاحه
ورافعين راية الصراحه
في بلاد المطحونين
انتوا عصبة مفسدين
------------------
الحقيقه يا كل الناس
احنا اصبحنا مداس
واللى مش عاجبه الكلام
يبقى زاد ع الزعلانين
ليست هناك تعليقات:
إرسال تعليق