مش هنغير الدستور
لجل بلادى ما تشوف النور
لجل الحر يعيش مذلول
والفايق يفضل مسطول
مش هنغير الدستور
مين قالك عاوز حريه
بيت وارض واكله هنيه
انا غاوى انى اعيش مقهور
مش هنغير الدستور
انا معجب بالحال الطارىء
قتلوا خالد .. حبسوا طارق
وانا مالى هو انا فايق
سيبنى فى حالى اعيش مستور
مش هنغير الدستور
ليه رامى ع الارض بذور
ومصدق ليه فى الحريه
ما تخلى الطابق مستور
ليه بتقولها فى وشى قويه
اسكت يجى عليك الدور
ومش هنغير الدستور
بكره يا بلدى تشوفى النور
بكره تعيشى جوه قصور
بكره يموت اللى ما يتسمى
ويموت كل ظالم مقهور
لما نغير الدستور
هناك تعليقان (2):
والله قصيده اكتر من رائعه ويارب نشوفلك كتبات كتيييييييير زى دى
مرورك العطر ازاد سطورى اضاءه
مستمره بتشجيعكم
إرسال تعليق