نكسه الالفيه التالته
مش فى حرب ولا دمار
نكسه القرن ده يا اخوانا
جايه لنا فى عقل الاجيال
لما تبقى ام الدنيا ناسيه العلم والإختبار
يبقى علينا والله عار
لما تسال واد وسيم
خد ليه اجازة فى ابريل
ويفكر فى اجابه سنه
واما تسال فى الماتشات
فى الكوره ولعب الطرقات
اول واحد راح هيجاوب
شاطر فالح ضايع خايب
عقله فاضى للمصايب
يتكلم على دوه وديه
ورساله موصلتش ليا
وايه رايك فى اخر اغنيه
واللهى مش لداه عليا
وهنوقف بنوته جامعيه
نسالها عن الكليه
عن منهجها والمصاريف
هترد تقولك تخاريف
وتجيب سيره شادى وسلمى
وتوصلها لزوزو العالمه
وفى الاخر توصل لمدرج
ومحاضره اخر تهريج
تلخيص يا اخوانا للنكسه
احنا بقينا فى الف وكسه
لما الجيل يتنيل منا
مين راح يرفع بعده علمنا
هناك 5 تعليقات:
ولله الحمد على كل حال نحن الآن في قلب هذه النكسة وربنا يكرمك
جاااامد أوي و للأسف زي ما وصف شيخنا المتنبي المصريين بإن ضحكهم كالبكاء نكسة بجد
الراجل دا بيقول كلام زى الفل
تحياتى
اسعدنى مروركم الكريم على صفحاتى المتواضعه وهى فعلا اكبر نكسه
بصى إذا سمحتيلى أنا هاخد لينك مدونتك عندى فى مدونتى
وإذا عجبتك مدونتى ياريت تعمليلى لينك عندك أكون شاكر جدا ليكى
مدونة : ( يكش تولع )مدونة مصرية تهتم بفضائح النظام المصرى الفاسد والأنظمة العربية العميلة , وننفرد بنشر أحدث ما تم الكشف عنه بخصوص ملف العراق وغزة , بالدلائل والمستنداتتفضل بالزيارةhttp://yaksh-tewla3.blogspot.com/
إرسال تعليق