بيدور الزمن ومهما طال
ومهما قالو قيل وقال
بتبان من تانى الابطال
يكملوا مشوار نضال
مشوار مشاه كل الاحرار
بعد ما جاه سعد زغلول
وصحى فى الوطن العقول
وراح وجاه وراه كتير
تاريخ طويل ملوش مثيل
تاريخ بيحكى عالم جميل
كان حواديته جنب النيل
وميته كانت الحبر وارض مصر كانت ورق
حكاه جاهين وقال كلام وسط المطر شرق برق
ومات جاهين ووراه كلام والاساطير ما بتتخلق
والنجم جاه اكد كلامه وقال معاه ان النضال
والحق مش هيطول ضياعه بعد الضياع فيه انتصار
دلوقتى لسه فيه أمل علشان حقيقى فيه لسه جيل
بيعرف امتى يتكلم وامتى يصرخ والدليل
تاريخ ابطال كانو وموتهم اكبر مستحيل
بس العتب على اللى ناسى ارض الوطن
ناسى الكرامه والشجن والحب والانتما سكن
ومش هيرجع الا بوطن هيكون بدايته ثوره بطل
ومادام معانا فيه ابطال يبقى الخلاص جاى ومحال
الظلم ليه يوم فيه زوال لو ليله طال مهما طال
ليست هناك تعليقات:
إرسال تعليق